Sa loob ng isang buwan ay dalawang beses nagtaas ng pamasahe ang Baliwag Transit.  Mula 68pesos ay pumalo ito ng 70pesos at di pa lumilipas ang isang linggo ay tumaas uli ito at naging 73pesos.  Ito ay sa kabila ng pagkakaroon ng roll back ng mga kompanya ng langis dahil nga bumababa ang presyo sa pandaigdigang pamilihan.  Nang sumakay ako ng Baliwag Transit ay tinanong ko kung bakit nagtaas na naman... at eto ang sagot ng kundoktor, "DAPAT PO 2008 PA YAN KASO NGAYON LANG INIIMPLEMENT PARA HINDI MAHIRAPAN ANG MGA PASAHERO."

Aba utang na loob pa pala natin.  Tayo mismong mga kababayan sa Baliwag ay nagugulat sa kanilang di makatwirang pagtataas ng pamasahe.  Ano ba naman ang dahilan at sunud-sunod ang pagtataas nila.  Kung tunay na makatwiran ang pagtataas ng Baliwag Transit ng pamasahe... SIGE NGA PO IPALIWANAG NINYO! [Basahin din ang TALAKAYAN SA FORUM]